Агротехникалық колледж қызметінің 2020 жылғы негізгі көрсеткіштері

Мен, Бағдат Қасымбекұлы Сабитов, Ақмола облысы білім басқармасы жанындағы «Целиноград ауданы, Жаңаесіл ауылы, агротехникалық колледжі" басшысының міндетін атқарудамын.

   «Ашық Бюджет» жобасы аясында 2020 жылға арналған Агротехникалық колледж қызметінің негізгі көрсеткіштерін айтуға рұқсат етіңіздер.

    Колледж «Ферма шаруашылығы», «Тамақтандыруды ұйымдастыру», «Дәнекерлеу ісі», «Есеп және аудит» мамандықтары бойынша сегіз біліктілікпен мамандар даярлайды. Оқыту екі тілде жүзеге асырылады: мемлекеттік және орыс тілдерінде.

    Мемлекеттік білім беру тапсырысы бойынша 128 студент және нәтижелі жұмыспен қамтуды және жаппай кәсіпкерлікті дамытудың «Еңбек» бағдарламасы бойынша 91 студент білім алуда. Қазіргі уақытта колледжде жалпы контингент бойынша 219 студент күндізгі бөлімде оқиды.

    Оқу-тәрбие процесін педагогикалық ұжымның білікті мамандары жүзеге асырады. Жаңа білім беру технологияларын қолдану, прогрессивті формаларды енгізу оқытудың белсенді әдістерінің білім беру процесін ұйымдастыруы қазіргі заманғы талаптарға сәйкес келетін сапа деңгейіне қол жеткізуге мүмкіндік береді. Білім берудің мақсаты мен сапасын арттыру үшін колледжде инновациялық технологиялар енгізілген. Дуальды оқыту, модульдік құзыреттілік оқыту. Мұндай оқытуда болашақ маман иесі бірнеше қосымша біліктілікті алып шығады. Бұл оның еңбек нарығында бәсекелестік қабілетін арттырады.

     Білікті кадрларды даярлау үшін колледждің инженерлік-педагогикалық қызметкерлерінің саны 42 адамды құрайды, оның ішінде 25 адам оқытушылар және 17-сі өндірістік оқыту шеберлері. Жоғары білімді оқытушылар мен өндірістік оқыту шеберлері 35. Колледждің педагогикалық қызметкерлерінің арасында 4 адам магистр академиялық дәрежесіне ие.

    Оқу корпусының жобалық қуаты 352 адамды құрайды. Оқу-өндірістік процесті ұйымдастыру үшін қажетті жабдықтар, жалпы білім беретін пәндер бойынша 11 кабинет, арнайы пәндер бойынша 13 кабинет, 5 зертхана,  2 шеберхана бар. Колледж кітапханасы жеткілікті мөлшерде арнайы оқу әдебиеттерімен толықтырылған. Спорттық және жаттығу залы, автотрактор стадионы бар. Колледж балансында 200 гектар жер, соның ішінде егістік жер 115 гектар,  жайылым 85 гектар. Колледж дәнді дақылдарды өсірумен белсенді айналысып, студенттерді жер өңдеу бойынша өндірістік оқыту жүргізіледі.

    2020 жылы егін жинау науқанында арпа дақылынан 2 243 млн. теңге кіріс алынды. Қаладан тыс жерлерден келген студенттер үшін жобалық қуаттылығы - 225 орындық жатақхана бар. Жатақханада тұратын студенттер колледж асханасында күніне үш рет ыстық тамақпен қамтамасыз етілген. Асхананың жобалық қуаты 160 адамдық. Жатақхана бөлмелері жайлы жиһазбен жабдықталған, душ бөлмелері, ішкі ванна бөлмелері, тұрмыстық бөлмелер бар. Карантиндік шаралардың жүргізілуіне байланысты іс-шаралар мен студенттердің жатақханада тұруы санитарлық қауіпсіздік шараларын сақтай отырып ұйымдастырылған. Санитайзерлер, дезинфекциялаушы құралдар жеткілікті мөлшерде. Күнделікті денсаулық фильтрі, қызуды өлшеу және көзбен қарап тексеру жүргізіледі. Ағымдағы оқу жылында оқыту санитарлық қауіпсіздік шараларын сақтай отырып, штаттық режимде ұйымдастырылды. Колледж аумағында 48 бейнебақылау камерасы орнатылған, оның ішінде 36-ы ішкі және 12-і сыртқы бақылау камералары.

    «Жаңаесіл ауылы, агротехникалық колледжі» МКҚК-ны мемлекеттік мекеменің ұйымдық-құқықтық нысанында білім беру функцияларын жүзеге асыруға құрылған, заңды тұлға мәртебесіне ие мемлекеттік мекеме болып табылады. Онда академиялық демалыс беру, жатақхана беру, телнұсқалар мен анықтамалар беру, құжаттарды қабылдау, ауыстыру және қайта қабылдау, аттестаттаудан өту үшін құжаттарды қабылдау сияқты бірқатар мемлекеттік қызметтер көрсетіледі. Сыбайлас жемқорлыққа қарсы тәуекелдердің алдын алу мақсатында барлық мемлекеттік қызметтер «Egov» ақпараттық жүйелері арқылы электрондық форматта көрсетіледі.

     Мемлекеттік қызметтер көрсету бекітілген стандарттармен бірге азаматтарға арналған үкіметтің мемлекеттік корпорациясы арқылы және тікелей мемлекеттік органдар арқылы жүзеге асырылады. Сапалы мемлекеттік қызмет көрсету - мемлекеттік мекеменің басты міндеттерінің бірі. Мемлекеттік қызмет көрсетудің мақсаты мен шарттарын қамтамасыз ету үшін колледжде өзіне-өзі қызмет көрсету бұрышы және бейнекамерасы бар заманауи компьютермен жабдықталған. Сонымен қатар картридждер, сканерлеу және құжаттарды басып шығару көпфункционалды құрылғылары бар. Сондай-ақ күту орны барық құралдармен жабдықталған, онда мемлекеттік қызметтерді алушы мемлекеттік қызметтерді алу стандарттарымен және регламенттерімен танысуға мүмкіндігі бар. Мемлекеттік қызмет көрсететін барлық қызметкерлер біліктілік арттыру курстарынан өтті. Мемлекеттік қызмет көрсету кезінде мамандар көрсетілетін қызметті алушының қолжетімділігі, салғырттық көріністеріне жол бермеу, көрсетілетін қызметтердің сапасы мен ашықтығын қамтамасыз ету қағидаттарына негізделеді.

    Қазіргң таңда 2020 жылдың 12 айында колледж бойынша бюджет қаражаты есебінен кірістер мен шығыстар туралы ақпаратты айтқым келеді. Бюджетті орындау бойынша баяндаманың негізгі тақырыбына көше отырып, колледжді қаржыландыру екі бағдарлама бойынша жүргізілетінін хабарлаймын. Колледждің қаржы ресурстарын жоспарлаудың негізгі салалары білім алушылар контингентін жоспарлау болып табылады, оның көлемі бюджет қаражатын алуға әсер етеді.

    Ұйымның 2020 жылғы 01 желтоқсандағы бюджеті 269282,5 мың теңгені құрады, оның ішінде жалақы 128,3 млн теңге,бұл 47,6%-ды құрайды; студенттердің стипендиясы 40,8 млн теңге немесе 15%-ды құрайды. Студенттерді тамақтандыру 13,8 млн.теңге немесе 5%, студенттердің жол жүру ақысы 1,967 млн. теңге, көмір және ЖЖМ 20 млн. теңге немесе 7%, коммуналдық қызметтер және байланыс қызметтері 5787,4 мың теңге 2,1%, басқа қорлар 38 млн., дәрі-дәрмектер және іссапар шығындары 1423,6 мың теңге немесе 0,53 %, басқа қызметтер 5877,4 тмың теңге 2,2%, басқа қорлар 24264,9 мың теңге немесе 9%. Материалдық жабдықтау бойынша барлық деректер колледж сайтында ашық бюджет бөлімінде бар.