Колледж студенттері “KAZROST ENGINEERING LTD” зауытына барды
Колледждің студенттері мен инженерлік-педагогикалық құрамы “KAZROST ENGINEERING LTD” зауытына таныстыру экскурсиясын жасады.
Экскурсия барысында қатысушылар ауыл шаруашылығы техникасын өндірудің толық циклімен танысып, кәсіпорында қолданылатын заманауи технологиялар мен инновациялық жабдықтардың жұмысын көрді.
Студенттерге техниканың жасалу кезеңдерін – жобалау мен әзірлеуден бастап құрастыру және тестілеуге дейінгі барлық үдерістерді өз көздерімен көруге мүмкіндік берілді. Бұл тәжірибе болашақ мамандар үшін өндірістік процестерді терең түсініп, кәсіптің қыр-сырын меңгеруге септігін тигізді.
Мұндай іс-шаралар студенттердің кәсіби көзқарасын кеңейтіп, оларды заманауи еңбек нарығының талаптарына бейімдеуге ықпал етеді.